Bello t'è Quarto! Bello ö têu mâ!
Con piaxei se mettemmo a cantâ.
Quarto a-ö mâ co-a têu spiägia ridente
Da Levante, da Ponente
Co-i têu schêuggi gremii de gente,
de bagnanti 'na gran quantitæ;
Co-i têu gössi a battizza dö mâ
Sötto e prue e cöbbie a sciallà!

Quarto t'è bello, tra i mönti e ö mâ
Co-a têu lûnn-a ch'a fa incantâ!
Missa in sï schêuggi gh'é 'na baracca
Döve e cöbbie se van a sciallà!
Baxi e lamenti vegnan da-o mâ
Quande l'é l'ôa de doveise lascià
Bello t'è Quarto! Bello ö têu mâ!
Con piaxei se mettemmo a cantâ.

Gh'é 'n terrasso, 'na vista eccellente
Da Levante, da Ponente
Gh'é chi zêuga a treisette e a sgobetta
Chi fa a brisca e chi zêuga a sgobbon,
Intraê drento a piggiàne ûn gottin!
Se demoëmmo da-a seia ä mattin!

Quarto t'è bello, tra i mönti e ö mâ
Co-a têu lûnn-a ch'a fa incantâ!
Missa in sï schêuggi gh'é 'na baracca
Döve e cöbbie se van a sciallà!
Baxi e lamenti vegnan da-o mâ
L'östaja dö Rosso a pä faêta pe amiâ!
Bello t'è Quarto! Bello ö têu mâ!
Con piaxei se mettemmo a cantâ.

Bello t'è Quarto! Bello ö têu mâ!
Miâ 'na lûnn-a ch'a va a tramöntâ.

 

---oooOooo---